ಮಹಾರಾಣಿ, ಶ್ವಾನದ ಮೇಲೇರಿ ಬೀದಿಗಳಲ್ಲಿ ಸವಾರಿ

ಶ್ವಾನ (dogs) ಗಳ ನಿಷ್ಕಲ್ಮಶ ಪ್ರೀತಿ, ನಿಷ್ಠೆಗೆ ಬೆಲೆ ಕಟ್ಟಲು ಸಾಧ್ಯವಿಲ್ಲ. ಮನುಷ್ಯನ ಆಪ್ತ ಸ್ನೇಹಿತನಾಗಿ ಸದಾ ಜೊತೆಗೆ ಇರುತ್ತದೆ. ಇದು ಪುಟಾಣಿ ಮಕ್ಕಳ ಉತ್ತಮ ಸ್ನೇಹಿತ ಅಂದ್ರೆ ತಪ್ಪಾಗಲಾರದು. ಕೆಲವೊಮ್ಮೆ ಈ ಶ್ವಾನಗಳು ಮಕ್ಕಳಿಗೆ ಹೈ ಸೆಕ್ಯೂರಿಟಿ ನೀಡುತ್ತವೆ. ಆದರೆ ಇದೀಗ ಪುಟ್ಟ ಬಾಲಕಿ (little girl) ಹಾಗೂ ಶ್ವಾನಗಳ ಬಾಂಧವ್ಯ ಸಾರುವ ವಿಡಿಯೋವೊಂದು ವೈರಲ್ ಆಗಿದ್ದು, ಬಾಲಕಿಯೊಬ್ಬಳು ಬೀದಿ ನಾಯಿಯ ಮೇಲೆ ಸವಾರಿ ಮಾಡಿದ್ದಾಳೆ. ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಬಳಕೆದಾರರು ಈ ನಿಷ್ಕಲ್ಮಶ ಪ್ರೀತಿಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.@annju00 ಹೆಸರಿನ ಖಾತೆಯಲ್ಲಿ ಹೃದಯಸ್ಪರ್ಶಿ ವಿಡಿಯೋವನ್ನು ಶೇರ್ ಮಾಡಿಕೊಳ್ಳಲಾಗಿದ್ದು, ಬೀದಿ ನಾಯಿಗಳ ಜೊತೆಗೆ ಪುಟ್ಟ ಬಾಲಕಿ ಒಂದೊಳ್ಳೆ ಬಾಂಧವ್ಯ ಹೊಂದಿರುವುದನ್ನು ಕಾಣಬಹುದು. ಶ್ವಾನಗಳ ಜೊತೆ ಸೇರಿ ಪುಟ್ಟ ಬಾಲಕಿ ರಸ್ತೆ ದಾಟಿದ್ದಾಳೆ. ಹೌದು ಶ್ವಾನದ ಮೇಲೇರಿ ಸವಾರಿ ಮಾಡಿದ್ದು, ಆ ಬಳಿಕ ಈ ಶ್ವಾನಗಳ ಗುಂಪು ಆಕೆಯನ್ನೆ ಹಿಂಬಾಲಿಸಿದೆ. ಈ ನಿಷ್ಕಲ್ಮಶ ಪ್ರೀತಿಯನ್ನು ಸಾರುವ ವಿಡಿಯೋ ಕಂಡು ನೆಟ್ಟಿಗರು ಶಾಕ್ ಆಗಿದ್ದಾರೆ.

ಈ ವಿಡಿಯೋವೊಂದು ನಾಲ್ಕು ಲಕ್ಷ ಐವತ್ತು ಸಾವಿರಕ್ಕೂ ಅಧಿಕ ವೀಕ್ಷಣೆ ಪಡೆದುಕೊಂಡಿದ್ದು ಬಳಕೆದಾರರು ಈ ವಿಡಿಯೋವನ್ನು ಮೆಚ್ಚಿಕೊಂಡಿದ್ದಾರೆ. ಬಳಕೆದಾರರೊಬ್ಬರು, ಈ ಭದ್ರತೆಗೆ ಎಷ್ಟು ಪಾರ್ಲೆ ಜಿ ಬಿಸ್ಕೆಟ್ ಹಾಕಿದ್ದೀರಿ ಎಂದು ತಮಾಷೆಯಾಗಿ ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬರು, ಉನ್ನತ ಮಟ್ಟದ ಭದ್ರತೆ ಎಂದಿದ್ದಾರೆ. ಇನ್ನೊಬ್ಬರು, ಶ್ವಾನಗಳ ಪ್ರಪಂಚದಲ್ಲಿ ಈಕೆಯೇ ರಾಣಿ ಎಂದು ಕಾಮೆಂಟ್ ಮಾಡಿದ್ದಾರೆ.